इलाम, १५ पुसः क्रिकेटर ऋषभ पन्तको कार शुक्रबार दुर्घटनामा परेको छ । पन्तको टाउको र घुँडामा गम्भीर चोट लागेको छ । यसबाहेक ढाड र खुट्टाका केही भागमा चोट लागेको छ । ऋषभ पन्त आफ्नै मर्सिडिज कार चलाएर आफ्नो गृहनगर रुर्की जाँदै थिए। त्यही क्रममा उनलाई निन्द्रा आयो र उनको कार डिभाइडरमा ठोक्किएर दुर्घटनामा परेको थियो ।
पन्तको यो दुर्घटना रुड़की नजिक मोहम्मदपुर जाट क्षेत्रमा भएको हो । यो दुर्घटनापछि बस चालकले ऋषभ पन्तको ज्यान बचाएका थिए । चालकले पहिले बस रोकेर ऋषभ पन्तलाई जलिरहेको कारबाट टाढा लगे । यसपछि उनलाई अस्पताल लगियो । ऋषभ पन्त आफ्नै मर्सिडिज कार चलाएर आफ्नो गृहनगर रुर्की जाँदै थिए। त्यही क्रममा उनलाई निम्द्रा लागेर उनको कार डिभाइडरमा ठोक्किएर दुर्घटनामा परेको थियो । पन्त आफैले विन्डो स्क्रिन तोडेर बाहिर निस्केको बताए । त्यसपछि गाडीमा भीषण आगो लागेको थियो । यो दुर्घटनापछि ऋषभ पन्तको नजिक पुग्ने पहिलो व्यक्ति सुशील कुमार थिए ।
हरिद्वार एसएसपी अजय कुमारका अनुसार कार दुर्घटना हुँदा हरियाणा रोडवेजको बसले उनीहरुलाई पछ्याइरहेको थियो । कार दुर्घटना देखेपछि चालक सुशील कुमारले बस रोकेर ११२ नम्बरमा फोन गरेर जानकारी दिए ।
त्यसपछि ऋषभ पन्तलाई अस्पताल लगिएको थियो । सुशील कुमारले भारतिय न्युज च्यानल आजतकलाई भने, ‘म हरियाणा रोडवेजमा चालक हुँ। म हरिद्वारबाट आउँदै थिएँ । हामी दुई सय मिटर अगाडि नरसान पुग्यौं । मैले दिल्ली तर्फबाट एउटा कार आइरहेको देखे र लगभग ६०–७० को गतिमा डिभाइडरमा ठोक्कियो। ठोक्किएपछि कार हरिद्वार लाइनमा आयो । अब बस पनि कारमा गएर ठोक्किने देखेँ । हामी कसैलाई बचाउन सक्षम नहुने देखेँ किनभने कार र वसको दुरी मात्र ५० मिटरको थियो । मैले तुरुन्तै सर्भिस लाइनबाट वस हटाएँ र पहिलो लाइनमा राखें। त्यो कार दोस्रो लाइनमा छोड्यो। मेरो गाडी ५०–६० को स्पीडमा थियो । मैले तुरुन्तै ब्रेक लगाए र झ्यालको छेउबाट हाम फालें। सुशील कुमारले भने, ‘मैले त्यो मान्छे (ऋषभ पन्त) देखेँ । उनी भुइँमा पल्टिएका थिए । ऊ बाँच्ने छैन भन्ने लाग्यो ।
उनी (पन्त) उनको छेउमा सुतिरहेका थिए । हामीले उसलाई उठायौं र कारबाट टाढा लगियौँ । मैले सोधेँ– गाडी भित्र अरु कोही छ । उनले म एक्लै भएको बताए । त्यसपछि उनले म ऋषभ पन्त हुँ भने । मलाई क्रिकेटको बारेमा त्यति थाहा छैन । उसलाई छेउमा उभ्याइयो। उसको शरीरमा कुनै लुगा थिएन, त्यसैले हामीले त्यस पछि उसलाई आफ्नो चादरमा बेरियौं।
0 comments:
Post a Comment