- गोबिन्द पौडेल
रोङः तरकारी खेतीलाई ब्याबसायीक बनाउन हौसिएका कृषकले रोपेको खोर्सानी मर्न थालेपछि त्यसको बिकल्प खोज्न बाध्य छन् रोङका किसान । तरकारी खेतीमा लोकप्रिय बनेको रोङ ६ पहिला देखी नै अकबरे खोर्सानीको खेती गरिदै आएको भएपनि केही बर्ष यता रोगको कारण मर्ने थालेको छ । आम्दामीको गतिलो संभावना रहेको अकबरेको खेतीमा किसानले मेहनत गर्न थालेका थिए । गत फागुनदेखी सोसियल इन्फ्याक्चर मेनेजमेन्टको प्राबिधिक सहयोग र गाउपालिकाको सहयोगमा कृषक पाठशालानै संचालन गरिएको अकबरे खेतीमा उत्पादन शुरु हुने बेलामा बोटनै मरेपछि किसानहरु निरासा बनेका हुन् ।
पाठशाला संञ्चालनको अबधिभर किसानको बगान पुगेर प्रशिक्षार्थी प्राबिधिकहरुले अनुगमन गर्ने गर्दा रोगको निराकरण भएको महसुस गरेको र पाठशालाको अबधि सकिएपछि किसानले पुरानै समस्या भोग्न थालेका छन् । रोङ ६ं बडा कार्यलयमा कृषि प्राबिधिक नभएका भने होइन तर कृषि प्राबिधिक मोहन अधिकारी गाँउमा नजाने कारण हुनु र नहुनुमा कुनै फरक नभएको किसानहरुको गुनासो रहेको छ । यस बारेमा गाउपालिकाले भाद्र ९ गते आयोजना गरेको सार्वजनिक सुनुवाइ कार्यक्रममा समेत जिज्ञासा उठेको र आगामी दिनमा कृषिका कर्मचारीहरुलाई कार्यालयको अन्य काममा नलगाई संम्बन्धित काममा लगाउने प्रतिबद्धता गाँउपालिकाको प्रमुख प्रशासकिय अधिकृत डिक प्रसाद दहालले गरे ।
कृषि क्षेत्रमा समृद्धि खोजिरहेको बेला किसानहरुले सामान्य सुबिधा पनि नपाउने पुरानै चलन दोहोरिरहदा सुखी नेपाली र समृद नेपालको नारामा मात्र सिमित भएको र दरबार काठमाडौमा छोडेर गाँउगाँउमा सिँह मात्र आएको स्थानियको भनाई छ ।