महिला सञ्जालको आयोजनमा विर्ता आई केयरको प्रविधिक सहयोगमा इलाममा निःशुल्क आँखा शिविर

इलाम, ९ असोजः  इलाममा मानव अधिकारका लागि महिला मञ्चको आयोजना र विर्ता आई केयर प्रा.ली.को प्रविधिक सहयोगमा बुधबार निःशुल्क आँखा शिविर सम्पन्न भएको छ । शिविरमा २८० जनाको आँखा जाँच गरिएको थियो । आँखा जाँच गरिएका मध्ये ७ जनामा मोतिया विन्दु भेटीएको छ ।  

शिविरमा डा. सत्यनारायण सिंहसहित ५ जनाको चिकित्सक टोलिले सेवा दिएका थिए ।  उनीहरुको अप्रेसन हातले गर्नुपरेमा पूरै ४ हजार ८ सय रुपैयाँ निःशुल्क र कम्प्युटरबाट गर्ने भएमा ४ हजार ८ सय छुट हुने आयोजक संस्थाकी अध्यक्ष शारदा उप्रेतीले जानकारी दिइन् ।

आयोजक मानव अधिकारका लागि महिला मञ्च इलामकी अध्यक्ष उप्रेतीको अध्यक्षता र इलाम नगरप्रमुख महेश बस्नेतको  प्रमुख आतिथ्यतामा भएको कार्यक्रममा प्रमुख जिल्ला अधिकारी सीताराम कार्की, प्रहरी उपरिक्षक हीराबहादुर पाण्डेलगायत विभिन्न संघसंस्थाका प्रतिनिधिहरुको उपस्थिति थियो ।

कार्यक्रमका सहभागीहरुले कार्यक्रम प्रभावकारी भएको प्रतिक्रिया दिएका थिए । कार्यक्रम नारी विकास संघको सभाहलमा भएको कार्यक्रम संस्थाकी सचिव गीता वस्नेतले सञ्चालन गरेकी थिईन।

उद्घाटन कार्यक्रमा सम्वोधन गर्दै प्रमुख अतिथि इलाम नगरपालिकाका नगर प्रमुख महेश वस्नेत यस्ता कार्यक्रमहरु गरेकोमा धन्यवाद दिंदै आगामी दिनमा शल्याक्रिया सहितका शिविरहरुमा सहयोग गर्ने प्रतिवद्धता व्यक्त गरेका थिए । 

प्रतिकृया दिनुहोस्

About Maipokhari news

माइपोखरी न्यूज डटकम सम्बाददाता