इलाम, २० असारः देशैभरी दोस्रो लहरको कोरोना संक्रमण वढी रहेको वेला इलाममा पनि थप ६४ जनामा कोरोना संक्रमण भएको छ । इलामा आज ६४ जना थपिए संगै संक्रमितको संख्या १ हजार ९ सय ८७ पुगेको छ ।
आज कोरोना संक्रमण हुनेहरुमा इलाम नगरपालिकामा १७ महिला १९ पुरुष, सूर्योदय नगरपालिकामा ५ महिला ९ पुरुष, रोङ गाउँपालिकामा ३ महिला ५ पुरुष, माई नगरपालिकामा १ महिला, माइजोगमाई गाउँपालिकामा ३ पुरुष र सन्दकपुर गाउँपालिकामा ३ पुरुष रहेका छन् ।
संक्रमणको कारण १ जनाको मृत्यु
कोरोना संक्रमणको कारण इलाममा आज थप एक जनाको मृत्यु भएको छ । मृत्यु हुनेमा सूर्योदय नगरपालिकाका एक जना रहेका छन् । इलाममा कोरोना संक्रमणको कारण हाल सम्म ४९ जनाको मृत्यु भई सकेको छ । इलाममा हाल सम्म १ हजार ५ सय ४६ जना संक्रमितले स्वास्थय लाभ गरिसकेका छन् ।
0 comments:
Post a Comment