३० असोज, झापा । झापाको गौरादह नगरपालिका–९ सिस्नेखोलामा माछा मार्ने क्रममा डुबेर तीन बालिकाको मृत्यु भएको छ।
मृत्यु हुनेमा स्थानीय अञ्जु मगरकी सात वर्षीया छोरी सुष्मा मगर, नौ वर्षीया स्वीकृति मगर, र निर्मला परियारकी ११ वर्षीया छोरी रोश्नी परियार रहेको जिल्ला प्रहरी कार्यालय झापाले जनाएको छ।
ती बालिकाहरू आज दिउँसो माछा मार्ने क्रममा खोलामा डुबेका थिए। स्थानीयवासी र प्रहरीले खोजतलास गरेपछि उनीहरूलाई निकालिएको थियो, तर उपचारका लागि अस्पताल लैजाने क्रममा मृत्यु भएको प्रहरीले जनाएको छ।
घटनास्थलमा इलाका प्रहरी कार्यालय गौरादहको टोली पुगेर थप अनुसन्धान सुरु गरेको छ।
0 comments:
Post a Comment