झापाको दमकबाट खैरो हेरोइनसहित दुई जना पक्राउ

मंसिर १०, २०८२

झापा, झापाको दमकमा लागू औषध कारोबार हुँदै आएको विशेष सुराकीका आधारमा प्रहरीले छापा मारेर खैरो हेरोइनसहित दुई जनालाई पक्राउ गरेको छ ।
अज दिउसो २ : ३० बजेको समयमा इलाका प्रहरी कार्यालय दमकबाट खटिएको टोलीले दमक–१ रवी स्टेन छेउमा रहेको आरक्यू होटलको तेस्रो तलाको कोठा ४ नम्वर कोठामा बसेका दुई जनालाई नियन्त्रणमा लिएको हो। कोठा बुक गरी बसेका उनीहरू लागू औषध खैरो हेरोइनको कारोबार गर्दै आएको भन्ने सुचनाका आधारमा प्रहरीले छापा मारेको बताइएको छ ।
त्यस क्रममा प्रहरीले दमक–७ स्थायी ठेगाना भई हाल दमक–१ सिर्पालीचोक बस्ने २५ वर्षीय राम कुमार गौतम, र मोरङ उर्लाबारी–८ दुर्गापुरीकी ३० वर्षीया ललिता धिमाल लाइृ पक्राउ गरेको हो ।
प्रहरीले दुवैजनाको शरीर तथा कोठा खानतलासी गर्दा खैरो हेरोइन जस्तो देखिने लिसाइला पदार्थ फेला पारेको थियो। उनीहरुको साथबाट ८ ग्राम लागू औषध र नेपाली रुपैयाँ २८,००० पनि बरामद भएको प्रहरीले जनाएको छ।
लागू औषध सहित पक्राउ परेका उनीहरुलाई इलाका प्रहरी कार्यालय दमकमा राखेर थप अनुसन्धान भइरहेको इलाका प्रहरी कार्यालय दमकले जनाएको छ।

प्रतिकृया दिनुहोस्

About Maipokhari news

माइपोखरी न्यूज डटकम सम्बाददाता