- मनिषा चम्लागाईँ
बुधबार बिर्तामोडमा राष्ट्रिय उपभोक्ता मञ्च झापाले आयोजना गरेको बिषादी न्यूनीकरण जनचेतना कार्यशालामा बोल्दै महर्जनले भारतबाट आयत हुने नुन, तेल लगायतका खाद्यन्न बढी मात्रमा अखाद्यतत्व मिसावट हुने गरेको तथ्याङ्क प्रस्तुत गरे । संविधानले स्वस्थ्य खाद्यान्न उपभोग गर्न पाउने हकको व्यवस्था गरे पनि उपभोक्ताले त्यसको महसुस गर्न नसकेको उनले जनाए । महर्जनले उपभोक्ताको अधिकार, उपभोक्ताले निर्वाह गर्नु पर्ने समालोचनात्मक दायित्व , सक्रियता, सामाजिक, वातावरणीय, ऐक्याबद्धता लगायतका दायित्वको बारेमा जानकारि गराए ।
कार्यक्रमको सहजीकरण गर्दै राष्ट्रिय उपभोक्ता मञ्चका सचिव गोविन्द सुवेदीले आरमदायी र विलासी जीवनशैलीका कारण मानिसको ध्यान आफूले उपभोग गर्दै आएको खाद्यन्नमा प्रयोग भएको विषादीको मात्रमा केन्द्रीत हुन नसकेको दावी गरे । उनले छिमेकी देशबाट सर्वशुलभ मूल्यमा खरिद गरिएका खाद्यन्नमा भएको विषादीले मानव शरीरमा गम्भीर असर पु¥याइरहेको बताए । नेपालमा उत्पादन भएका खाद्यन्नको तुलनामा बाहिरी मुलुकबाट आयत हुने खाद्यन्नमा बढी मात्रमा विषादी हुने गरेको जनाए ।
त्यस्तै झापाका सहायेक प्रमुख जिल्ला अधिकारी कृष्णचन्द्र पोखरेलले विषादीयुक्त खाद्यन्नको नियन्त्रणको निम्ती बजार अनुगमनमा जोड दिइएको बताए । पोखरेलले उपभोक्ताको अधिकार र बजार अनुगमन संयन्त्रबारे प्रष्ट पारे ।
बाली संरक्षण निर्देशनालय र राष्ट्रिय उपभोक्ता मञ्चको सहकार्यमा भएको कार्यक्रमलाई बिर्तामोड नगरपालिकाले सहयोग गरेको थियो । बिर्तामोड नगरपालिकाका, विभिन्न संघ संस्थाका प्रतिनिधि, विद्यार्थी लगायतको सहभागिता रहेको कार्यक्रमको अध्यक्षता उपभोक्ता मञ्च झापाका अध्यक्ष मदनगोपाल सुव्वाले गरेका थिए । सञ्चालन पत्रकार एकराज गिरीले गरेका थिए ।