इलाम, २४ चैतः दोहा कतार हुँदै फ्रान्सबाट आएकी कोरोना भाइरस संक्रमित १९ वर्षीया युवतीसँगै नेपाल आएका इलामका एक युवाको स्वाब परीक्षण नेगेटिभ आएको छ ।
कतारबाट चैत ४ गते नेपाल आएका इलाम नगरपालिका वडा नं। ४ का २८ वर्षीय रमेश दुलालको स्वाब परीक्षण नेगेटिभ आएको जिल्ला अस्पताल इलामले प्रेस नोट जारी गर्दै जानकारी दिएको छ ।
कतारबाट आएकी युवतीमा कोरोना भाइरसको संक्रमण देखिएपछि उनी जिल्ला अस्पतालमा सम्पर्कमा आई सामान्य स्वास्थ्य परीक्षण गरेर घरमै सेल्फ क्वारेन्टाइनमा बस्दै आएका थिए । अस्पतालको निगरानीमा सेल्फ क्वारेन्टाइनमा बस्दै आएका दुलालको चैत २१ गते विपी कोइराला स्वास्थ्य विज्ञान प्रतिष्ठान धरानमा स्वाब परीक्षणका लागि पठाइएको थियो । स्वाब परीक्षणको रिर्पोट सोमबार आएको हो ।