इलाम ६ जेठः इलाम देउमाई नगरापालिका ६ शान्तिडाँडामा बावुको हत्या गर्ने छोरी पक्राउ गरेको प्रहरीले जनाएको छ । इलामको देउमाई नगरपालिका ६ शान्तिडाँडाकी शुस्मा राईले बुबा फुलबहादुर राइको गएराती हत्या गरेकी थिइन । उनलाई हत्याभएको ठाउँभन्दा केही तल जंगलमा लुकिछिपी वसेको अवस्थामा प्रहरीले फेला परेको थियो ।
साविक शान्तिडाँडा २ गोरेडाँडा निवासी ५२ बर्षिय बुबा फुलबहादुरको करिब २५ वर्षय छोरी शुस्मा बिच झगडा भइरहने गरेको स्थानीय बासीको भनाई उदृद गर्दै इलाका प्रहरी कार्यालय मंगलबारेका इनिस्पेक्टर राजकिशोर शाहले जानकारी दिनुभयो । उहाँका अनुसार रातको समयमा झगडा हुँदा छोरीले नै हत्या गरेको प्रहरीको अनुसन्धानबाट खुलेको छ ।
घरमा जेठी छोरी सुस्मा साथै उनका बुबा र आमा मात्र रहेको अवस्थामा राती खाना खाइसकेपछि पनि झगडा भएको थियो । फुलबहादुरको टाउकोमा चोट देखिएको छ । टाउकोमा चिर्पट प्रहार गरेर हत्या गरेको हुनसक्ने बताईको छ । ‘गहिरो चोट नदेखिएका कारण धारिलो हत्यार प्रयोग नभएको हो कि जस्तो छ, अनुसन्धान भइरहेको छ ।’ इनिस्पेक्टर शाहले भन्नुभयो । कान्छी छोरी र ज्वाई समेत शान्तिडाँडा घरमा आएको र हिजो दिउशै पनि झगडा भएपछि गाउँमा सुत्न गएको बताइएको छ ।
सुस्माले वञ्चरो आफ्नो वुवाको टाउकोमा प्रहार गरेर हत्या गरेको अनुशन्धानबाट खुलेको पनि प्रहरीले जनाएको छ ।