इलाम, २७ वैशाखः इलामको माङसेबुङ गाउँपालिकाले रोजगारका लागि विभिन्न जिल्लामा गएर फर्किएर आएका ५० जनाको र्यपिडटेस्ट गराएको छ । र्यपिडटेस्ट गरिएकामा सवैको रिपोट नेगेटिभ आएको छ । विगत १४ दिनदेखी खाम्नुवा आधारभूत विद्यालय माङसेबुङ २ को क्वरेन्टाइनमा बस्दै आएका २३ जनाको र सरस्वती मा.वि माङसेबुङ ५ र माङसेबुङ ४ सिमलटारमा क्वरेन्टाइनमा रहेका २७ जना गरेर जम्मा ५० जनाको र्यपिडटेस्ट गर्दा सवैकाे रिपाेट नेगेटिभ रहेकाे हाम्रा सम्वाददाता वालकृष्ण वस्नेतले जानकारी दिएका छन् ।