काठमाडौं, १३ साउन । काठमाडौं उपत्यकामा पछिल्लो २४ घण्टामा ५३ संक्रमित फेला परेका छन् । काठमाडौं उपत्यकामा पछिल्लो केही दिनदेखि निरन्तररुपमा संक्रमितको संख्या थपिदा यो हालसम्मकै एकै दिनको उच्च भएको बताइएको छ ।
स्वास्थ्य तथा जनसंख्या मन्त्रालयमा आयोजित पत्रकार सम्मेलनमा दिइएको जानकारी अनुसार नेपाल प्रहरीको महाराजगञ्जस्थित प्रयोगशालामा गरिएको परीक्षणमा काठमाडौंका २१ जनामा संक्रमण पुष्टि भएको छ । यसैगरी राष्ट्रिय जनस्वास्थ्य प्रयोगशालाको परीक्षणमा काठमाडौंका ११ जना, र भक्तपुरका १ जनामा संक्रमण पुष्टि भएको छ भने शुक्रराज ट्रपिकल सरुवा रोग अस्पतालमा गरिएको परीक्षणमा काठमाडौंका ९ जना र ललितपुरका १ जनामा संक्रमण पुष्टि भएको छ ।