चितवन, १४ असोज । उपचारको लागि चितवन मेडिकल कलेज पुगेकी एक युवती चिकित्सकबाटै यौन दूर्व्यवहारको सिकार बनेकी छन् ।
घाँटीमा समस्या भएपछि मंगलबार अस्पताल पुगेकी १९ वर्षीया युवतीलाई अडियोलोजिस्ट जयलालप्रसाद यादवले आफ्नो काखमा राखेर पटक–पटक गोप्य अंगमा चिमोटेको पीडितको आरोप छ ।
चिकित्सकले मसाज गर्ने भन्दै यौनाङ्गमा पटक–पटक हात पु-याएको पीडित युवतीको आरोप छ । मंगलबारनै ती युवतीले अस्पताल प्रशासनलाई आँफूमाथि यौन दूर्व्यवहार भएको जानकारी गराएकी थिइन्, तर अस्पताल प्रशासन भने घटना लुकाउने दाउमा रहेको पीडितको भनाइ छ ।
अस्पतालले आज बिहान पीडित पक्षसँगको छलफलका क्रममा चिकित्सक यादवले माफी मागेका छन् । तर, पीडित पक्षलाई यो घटना बाहिर ल्याए युवतीकै बदनाम हुने भन्दै धम्क्याउने काम गरिएको वार्तामा पुगेका एक ब्यक्तिले जानकारी दिए ।
यस विषयमा अस्पताल प्रशासनले अध्ययन गरिरहेको बताएको छ ।
0 comments:
Post a Comment