धनकुटा, २५ असाेज । धनकुटा नगरपालिका वडा नम्वर ३ निवासी काेराेना संक्रमित एक महिलाकाे उपचारकै क्रममा मृत्यु भएकाे छ । उहाँकाे सुनसरीकाे धरानस्थित बीपी कोइराला स्वास्थ्य विज्ञान प्रतिष्ठानको कोभिड- १९ अस्पतालमा उपचारका क्रममा मृत्यु भएकाे स्वास्थ्य कार्यालय धनकुटाले जनाएकाे छ ।एक साताअघि काेराेना परिक्षणका लागि उहाँकाे स्वाब संकलन गरिएकाे स्वास्थ्य कार्यालय धनकुटाले जानकारी दिएकाे छ । मृतक महिलाका पति ६७ वर्षीय पुरुषलाई पनि कोरोना संक्रमण भएको छ । मृतकका पतिकाे धनकुटाको आइसोलेसनमा उपचार भइरहेको छ ।धनकुटामा हालसम्म ६० जनामा कोरोना संक्रमण भएको छ भने ४५ जना उपचारपछि घर फर्कि सकेकाे स्वास्थ्य कार्यालय धनकुटाका प्रमुख तुलसि प्रसाद गुराँगाईले जानकारी दिनुभयाे ।
धनकुटामा सबै संक्रमितहरुको उपचार भएपछि केही दिनअघि संक्रमण शून्यमा झरेको थियो । तर अब भने धनकुटेलीहरूमा त्रास फैलिएकाे छ ।
0 comments:
Post a Comment