काठमाडौं । युवा संघ नेपालले आज शनिबार माइतीघर मण्डलामा पदकमा नेपालको नयाँ नक्सा प्रयोग नगरिएको भन्दै विरोध प्रदर्शन गरेको छ ।
प्रदर्शनकारीहरुले ‘लिपुलेक र कालापानी सहितको चुच्चे नक्सा खोई ?’, ‘नेपालको पूर्ण नक्सा (चुच्चे)को प्रयोग सुनिश्चित गर’ लगायत लेखिएका ब्यानर तथा प्लेकार्ड लिएर सडकमा सरकारविरुद्ध नाराबाजी गरेका छन्।
राष्ट्रका विभिन्न क्षेत्रमा योगदान पुर्याएकाहरुलाई सरकारले वितरण गरेको पदकमा नेपालको नयाँ नक्सा प्रयोग नगरिएको भन्दै विरोध प्रदर्शन गरिएको हो ।
प्रदर्शनकारी नेकपा एमाले माधवकुमार नेपाल समूह निकट युवा संघ नेपालका नेताहरु रहेका छन् । राष्ट्रपति विद्यादेवी भण्डारीले शुक्रबार शीतलनिवासमा राष्ट्रका विभिन्न क्षेत्रमा योगदान पुर्याएकाहरुलाई विभिन्न मानपदवी, अलङ्कार र पदक वितरण गर्नुभएको पदकहरुमा पुरानै नक्सा प्रयोग भएको छ ।
त्यसैको विरोधमा युवा संघ नेपालले शनिबार दिउँसो माइतीघर मण्डलामा विरोध प्रदर्शन गरेको हो ।
0 comments:
Post a Comment