झापा । भेन्टिलेटरसहितको बेड अभाव भएपछि आज पनि हेलिकप्टरबाट २ जना संक्रमितलाई उपचारका लागि झापाको विर्तामोडस्थित बीएण्डसी अस्पतालमा ल्याइएको छ ।
आज नेपालगञ्जका ६१ वर्षीय प्रेम कुमार सोनी र ओखलढुङगाका ५५ वर्षीय नरनाथ फुयाँललाई ल्याइएको अस्पतालका सूचना अधिकारी प्रमिश गिरीले जानकारी दिए ।
भेन्टिलेटरको सुविधा भएका कारण देशका विभिन्न भागबाट १५ जना कोभिड संक्रमितलाई उपचारका लागि ल्याइसकिएको छ । गिरीका अनुसार उपचार सहज हुने र बेड सुविधा भएकाले संक्रमितहरु उपचारका लागि आउने गरेका हुन् ।
बीएण्डसीमा हाल ५० जना संक्रमितको उपचार भइरहेको गिरीले जानकारी दिए । आईसीयूमा २५, एचडीयूमा १२ र जेनेरल वार्डमा १३ जनाको उपचार भइरहेको छ ।
बीएण्डसीले कोभिड संक्रमितको लागि अलग्गै वार्ड व्यवस्था मिलाएका कारण अन्य क्षेत्रका संक्रमित उपचार गर्न आइरहेका छन् । सूचना अधिकारीले बीएण्डसीमा कोभिड उपचारका लागि २ सय वेड तयार गरेको जानकारी दिए ।
0 comments:
Post a Comment