को हुन्, विराटनगरमा पहुँचवालालाई मात्र बोलाएर सुटुक्क कोरोना खोप लगाइदिने व्यक्ति ?


विराटनगर । उद्योगपति, नेता र मन्त्रिका आसेपासेहरुलाई मात्र कोरोनाविरुद्धको खोप सुटुक्क दिएको थाहा पाएपछि विराटनगरमा स्थानीले त्यसको विरोध गरेका छन् ।

शुक्रबार विराटनगर-२ तीनपैनीस्थित सिटी सिनेमा हल क्षेत्रमा कोरोनाविरूद्धको दोस्रो डोज पहुँचवालाईमात्र दिइएको सूचना पाएसँगै स्थानीय त्यसको विरोध गरेका हुन् ।

स्थानीयले विरोध गरेको सूचना पाएपछि प्रहरी घटनास्थलमा पुग्यो र स्थानीयलाई सम्झाइ बुझाइ गरेको थियो । विरोधपश्चात कोरोनाविरुद्धको खोप लगाउन सुटुक्क त्यहाँ पुगेका उद्योगपती, नेता र मन्त्रिनिकटका आसेपासेहरु आफ्नो बाटो लागेका थिए ।

स्थानीले सुरक्षाकर्मी, स्वास्थ्यकर्मीसहित कोरोनाविरुद्ध मैदान उत्रिएकाहरुलाई खोप लगाएको भए आफूहरुले सलाम दिने बताएका थिए । उनीहरुका अनुसार महामारीविरुद्ध नखटिने तर, खोप लगाउन सुटुक्कै आएपछि त्यसको विरोध नगरी बस्न सकेनौँ ।

स्थानीले पहुँचवालालाई कोरोनाविरुद्धको दोस्रो डोज सुटुक्क लगाइदै छ भन्ने सूचना पाएसँगै आफूहलाई पनि खोप चाहिने भन्दै पुग्दा धेरेजसो उद्योगी, नेताले खोप लगाइसकेका थिए ।

उद्योग संगठनका अध्यक्ष तथा सिटी सिनेमा हलका सञ्चालक सुयस प्याकुरेलले नै पहुँचवालालाई सुटुक्क बोलाएर खोप लगाएको बताइएको छ ।

निश्चित व्यक्तिलाई मात्र खोप लगाउने भनिए पनि पहुँचवालालाई सुटुक्क खोप लगाइएपछि स्थानीयले उक्त विषयको निष्पक्ष छानबिन हुनुपर्ने माग गरेका छन्।

प्रतिकृया दिनुहोस्

About Maipokhari news

माइपोखरी न्यूज डटकम सम्बाददाता