खोप महंगो नै किन नहोस् ऋण नै लिएर जनतालाई कोरोना खोप लगाउँछौँ : प्रधानमन्त्री देउवा


काठमाडौं । प्रधानमन्त्री शेरबहादुर देउवाले ऋण लिएर भए पनि नेपाली जनतालाई कोरोनाविरुद्धको खोप लगाउने प्रतिबद्धता जाहेर गर्नुभएको छ । शुक्रबार प्रतिनिधिसभा बैठकमा बोल्दै उहाँले जतिसुकै महंगो खोप परेपनि नेपाली जनतालाई ऋणै काँढेर खोप लगाइदिने प्रतिबद्धता जाहेर गर्नुभयो ।

उहाँले भन्नुभयो, ‘ऋण, सापट लिएर भए पनि जहाँ जहाँ पाइन्छ महंगो खोपै भए नेपाली जनतालाई लगाउँछौँ भनेर प्रतिबद्धता गरेका छौँ । अवश्य पनि त्यो प्रतिबद्धता पूरा गर्दछौँ ।’

साढे एक वर्षको कार्यकाल आफूले देखिने गरी काम गर्ने पनि उहाँले बताउनुभएको छ । उहाँले भन्नुभयो, ‘कार्यकाल एक वर्ष ५÷७ महिना मात्र होला । तरकार्यकालअवधिभर देखिने गरी काम गर्नेछौँ । यसका लागि प्रचण्डजी, उपेन्द्र जी सबै हुनुहुन्छ ।’


प्रतिकृया दिनुहोस्

About Maipokhari news

माइपोखरी न्यूज डटकम सम्बाददाता

0 comments:

Post a Comment