इलाम, २३ भाद्रः नेपाली काँग्रेसका युवा नेता तथा समाजसेवी डम्बर खड्काले मंगलबार पत्रकार सम्मेलन गर्दै इलाम जिल्लाको नेपाली कांग्रेसको जिल्ला सभापतिको उम्मेद्वारी घोषणा गरेका छन् । नेपाली काँग्रेसको १४ औँ अधिवेशन शुरु भएको छ भाद्र १२ गते वडा अधिवेशन सकिए पछि नगर, क्षेत्र र जिल्ला अधिवेसनको नेपाली कांग्रेसभित्र चहलपहल शुरु भएको छ ।
निर्माण व्यवसाय र कांग्रेसको राजनीतिलाई सँगसँगै अगाडि बढाएका डम्बर खड्काले यस पटक कांग्रेस इलाम सभापतिका लागि उम्मेदवारी दिने घोषणा गरिसकेका छन् । २०४१ सालमा आदर्श माविमा नेविसंघको इकाइ सभापति हुँदै राजनीतिमा आएका उनी २०५१ देखि ०५८ सालसम्म नेविसंघ इलामको सभापति भइसकेका छन् । नेविसंघको केन्द्रीय सदस्य हुँदै तत्कालिन नेपाली कांग्रेस प्रजातान्त्रिकतर्फबाट नेविसंघ केन्द्रीय उपाध्यक्ष समेत भएका उनी पार्टीको जिल्ला कोषाध्यक्ष समेत भइसकेका छन् ।
इलाम क्षेत्र नं २ को प्रदेश १ (क) मा प्रदेश सभाको उमेद्वार समेत भइसकेका उनले आफूले कार्यकर्ताको दुःख सुख भोग्दै संगठन निर्माणमा निरन्तर सक्रिय रहेको बताए । ‘पार्टीमा नेतृत्व हस्तान्तरणको परिपाटी बसाल्नुपर्छ, एउटै जिल्लामा एउटै नेतृत्व २७ बर्षसम्म रहेर संगठन निर्माणमा थप योगदान दिन नसक्ने बताए । उनले भने, ुविपक्षी पार्टीहरुसँगको प्रतिस्पर्धाबाट एक नम्बर कांग्रेस पार्टी बनाउनका लागि मैले उम्मेदारी दिन लागेको हुँ ।’
पत्रकार सम्मेलनमा खड्का समूहबाट क्षेत्र नं. १ को क्षेत्रिय सभापतिमा भिष्म प्रधान, क्षेत्र नं. २ को सभापतिमा मन वहादुर वुढाथोकी र नगर सभापतिहरुमा इलाम नगरपालिकामा अमृत लाल श्रेष्ठ, सूर्योदय नगरपालिकामा सोनाम छिरिङ काजी लाप्चा, माई नगरपालिकामा हेमराज लिम्बू, सन्दकपुर गाउँपालिकामा तुलाराम गुरुङ, माइजोगमाई गाउँपालिकामा राजेश देवान र माङसेवुङ गाउँपालिकामा अम्वर बहादुर राई रहेको समेत जानकारी गराए ।
0 comments:
Post a Comment