नेकपा (एमाले) फुटेको नभई चोइटिएको अध्यक्ष ओलीको भनाइ

काठमाडौं । नेकपा (एमाले)का अध्यक्ष केपी शर्मा ओलीले एमाले फुटेको नभई चोइटिएको बताएका छन् । शनिबार काठमाडौंमा नेकपा एमाले महानगर भेलालाई सम्बोधन गर्दै ओलीले पार्टीबाट केही बिग्रिएका मानिस मात्र बाहिरिएकाले यसलाई पार्टी फुटेको भन्न नमिल्ने बताएका हुन् ।

उनले पदका लागि नै माधव नेपालले अर्को पार्टी खोलेको आरोप पनि लगाए । उनले आगामी चूनावमा एक्लाएक्लै प्रतिष्पर्धा गरे एमाले बाहेक कुनै दलले एक सिट पनि ल्याउन नसक्ने दाबी गरे ।

अध्यक्ष ओलीले वर्तमान सरकारले छिमेकी मुलुकसंगको सम्बन्ध बिगार्न खोजेको बताए । चीनसँग कुनै सीमा विवाद नरहेको बताउँदै ओलीले अरु कसैलाई खुसी पार्नका लागि सरकारले अध्ययन समिति गठन गरेको आरोप लगाए ।

समितिले एउटा मात्र पनि सीमा विवाद देखाउन उनले चूनौती दिद । त्यस्तै उनले अमेरिकासँग भएको एमसीसी सम्झौता झुक्याएर पास गर्न खोजेको भन्दै वर्तमान सत्तारुढ गठबन्धनप्रति आशंका व्यक्त गरे । प्रधानमन्त्री शेरबहादुर देउवा र सत्तारुढ माओवादी केन्द्रका अध्यक्ष पुष्पकमल दाहाल एमसीसीबारे धारणा सार्वजनिक गर्नुपर्ने उनको भनाइ छ ।

सम्बोधनका क्रममा ओलीले बामदेव गौतमले उपप्रधानमन्त्री खानका लागि आफूलाई गाली गरेर एमाले छाडेको आरोप लगाए । ओलीले अहिलेको सत्तारुढ गठबन्धको आलोचना गर्दै मन्त्री पदका लागि गठबन्धन भएको समेत तर्क गरे ।

उनले एमाले अझ सशक्त ढंगले अघि बढ्ने भन्दै उच्च मनोबलका साथ अगाडि बढ्न कार्यकर्तालाई निर्देशन दिए ।

प्रतिकृया दिनुहोस्

About Maipokhari news

माइपोखरी न्यूज डटकम सम्बाददाता