झापा, २२ फाल्गुनः उत्तम राईको निर्णायक गोलमा नेपाल पुलिस क्लबलाई १–० ले पराजित गर्दै संकटा क्लब पाँचौ झापा गोल्डकपको क्वार्टरफाइलनमा प्रवेश गरेको छ ।
डोमालाल राजवंशी मैदान बिर्तामोडमा उत्तमले २१औं मिनेटमा गरेको गोल संकटको जितमा पर्याप्त बन्यो । उत्तमलाई गोलका लागि फोडे फोफोनको असिस्ट गरेका थिए ।
पुलिसविरुद्ध उत्कृष्ट प्रदर्शन गरेका फोफोना खेलको म्यान अफ दी म्याच चुनिए । उनले नगद नौ हजार नौ सय ९९ रुपैयाँ प्राप्त गरे ।
संकटाले सेमिफाइलन प्रवेशका लागि थ्री स्टार क्लबसँग प्रतिस्पर्धा गर्नेछ । प्रतियोगितामा बाई पाएपछि थ्री स्टारले सोझै क्वार्टरफाइलनमा प्रतिस्पर्धा गर्ने भएको हो ।
लिग कम नकआउट पद्दतीमा सञ्चालन भइरहेको प्रतियोगिताको पहिलो खेलमा यसअघि शनिबार सातदोबाटो युथ क्लबले जावलाखेल युथ क्लबलाई पेनाल्टी सुटआउटमा पराजित गरेको थियो ।
शनिबारदेखि सुरु भएको प्रतियोगितामा दुई भारतीयसहित १० टोलीको सहभागिता छ ।
0 comments:
Post a Comment