इलाम, १० चैत्रः जिल्ला क्रीकेट संघ इलामको आयोजनामा इलामको ठुलो टुडिखेलमा टि–२० क्रीकेट खेल शनिबार (भाेली) आयोजना हुने भएको छ । देउमाई नगरपालिकाको टिम त्रिवेणी युथ क्लब र इलाम नगरपालिकाकाको टिम बीच हुने उक्त खेल इलामको ठुलो टुडिखेलमा हुन लागेको हो ।
प्रतियोगिता जिल्ला क्रीकेट संघ इलामको नियमित कार्यतालिका अनुसार हुने प्रतियोगिताहरू कै निरन्तरता भएको र भविष्यमा यस्ता घरेलु प्रतियोगिताहरूलाई नियमित सञ्चालन गर्ने इलाम जिल्ला क्रीकेट संघका अध्यक्ष अर्जुन पौडेलले बताउनुभयो ।
यस्ता प्रतियोगिताहरू खेलाडीको खेल मनोविज्ञानमा टेवा पुर्याउन, खेल कौशल निखार्न र नयाँ प्रतिभा पहिचान अनि नयाँ खेलाडी उत्पादनमा कोशेढुङ्गा सावित हुने पौडेलले दाबी गरे ।
त्रिवेणी युथ क्लबको सक्रियतामा यस अघि नै इलाम क्रीकेट संघद्वारा प्रदान गरिएको अभ्यास नेट अहिले देउमाई नगरपालिकामा प्रयोग भइरहेको र त्यसले नियमित अभ्यासमा सहयोग मिलेको क्लबका एक खेलाडीले बताए ।
सम्पुर्ण खेल प्रेमि महानुभावलाई खेलको आनन्द उठाउनका लागि इलाम क्रीकेट टिम हार्दिक सादर निमन्त्रणा गर्दछ।
0 comments:
Post a Comment