झापा
२०८१ कार्तिक २९ गते , विहीबार
झापा मेचीनगरको निन्दा खोलानजिकै घारीमा सालनालसहितको नवजात शिशु फेला परेको छ । आज बिहान अन्दाजी ६ः३० बजे मेचीनगर नगरपालिका १० स्थित निन्दा खोलानजिकै घारीमा सालनालसहितको नाङ्गै जीवित नवजात शिशु (छोरी)लाई कमिलाले टोकिरहेको रक्ताम्मे अवस्थामा मेचीनगर ११ सृजना टोल बस्ने ३७ वर्षीया इन्दिरा प्रसाईँ (अधिकारी) ले मर्निङ वाक गर्ने क्रममा फेला पारेकी थिइन् ।
इलाका प्रहरी कार्यालय धुलाबारीमा दिउँसो १ बजे अधिकारीले ती नवजात शिशु ल्याई जिम्मा बुझाएकी थिइन् । सामान्य अवस्थाका ती शिशुलाई १० नं. वडा कार्यालयमार्फत फेला पार्ने महिलालाई सरक्षणको लागि जिम्मा दिइएको जिल्ला प्रहरी कार्यालयका प्रहरी उपरीक्षक मिलन केसीले बताए ।
0 comments:
Post a Comment