इलाम, ६ मंसिरः इलामको माइजोगमाई गाउँपालिका -०२ जोगमाई निवासी हाल सूर्योदय नगरपालिका -९ बरबोटे बस्ने
एक महत परिवारले बालबालिकालाई शैक्षिक सामाग्री वितरण गरेका छन ।
आफ्नो माता दुर्गा माया महतको ८५ औ जन्मदिनको अवसरमा माइजोगमाई गाउँपालिका -०२ जोगमाई भित्तेमा रहेको श्री ज्योति आधारभूत बिद्यालयका कक्षा एक देखि कक्षा पाँच सम्मका विद्यार्थीहरुलाई शैक्षिक सामाग्री वितरण गरिएको हो ।
२५ जना बिधार्थी रहेको बिधालयमा १(१ दर्जनका दरले खाता र डटपेन बितरण गरिएको प्रधानाध्यापक प्रेम बहादुर महतले बताए ।बिधालय ब्यावस्थापन समिति अध्यक्ष हर्कसिङ्ग राई समाजसेवी जित बहादुर खड्का ,बिजय खम्बु ,खड्ग बहादुर महत लगायतको उपस्थितिमा शैक्षिक सामग्री बितरण गरिएको हो ।विद्यार्थीलाई पठनपाठनमा सहयोग पुर्याउने उद्देश्यले सामाग्री वितरण गरिएको कान्छा छोरा दिनेश महतले जानकारी दिए ।
“जन्मदिनका अवसरमा केही सकारात्मक काम गरौँ भन्ने मनमा लागेकाले विद्यार्थीलाई शैक्षिक सामाग्री वितरण गरेर सहयोग गरेका हौ ”, महतले भने, “आफ्नो आमाको जन्मदिनमा अरु कसैका लागि केही गर्न सकिन्छ भने गर्नुपर्छ । हामीले जे सक्यौं त्यही गरेको मात्र हौ ।”
यस्तै जन्मदिनको अवसर पारेर महत परिवारले इलाम नगरपालिका वडा न १० मा रहेको माईभगवती बृद्धआश्रममा पुगेर आश्रममा रहेका जेष्ठ नागरिक सँग खुसी साटासाट गरि सामुहिक खाना समेत खुवाउने कार्यक्रमको आयोजना गरेको थियो । बहाँका ४ छोरा ३ छोरी रहेका छन् ।
0 comments:
Post a Comment