बिर्तामोड नगरपालिका– ६ बुट्टावारीस्थित एक मोटरसाइकल ग्यारेजमा आगलागी भएको छ ।
आशिष वनको घरको सटरमा अर्जुनधारा ११ बस्ने दिपक राजवंशीले भाडामा लिई सञ्चालन गरेको दिपक मोटरसाइकल वर्कसपमा आज साँझ ६.४० बजे बिद्युत सर्ट भएर आगलागी भएको हो । घटनाको जानकारी प्राप्त हुनासाथ अस्थाई प्रहरी चौकी बुट्टावारी र इलाका प्रहरी कार्यालय बिर्तामोडबाट खटिएको प्रहरी टोली,स्थानीय, बिर्तामोड,भद्रपुर र मेचीनगर नगरपालिकाको दमकलको सहयोगमा साँझ ७ः१५ बजे आगलागी पूर्णरुपमा नियन्त्रणमा आएको थियो ।
उक्त आगलागीबाट वर्कसपमा रहेको मर्मतको लागि राखिएको स्कुटर–१ थान,सुपर स्प्लेण्डर मोटरसाइकल–१थान,एयर कम्प्रेसर–१थान,मर्मतमा प्रयोग हुने बिभिन्न औजारहरु र उक्त कोठामा समेत क्षति भई अन्दाजी मूल्य रु.१५ लाख बराबरको क्षति भएको इलाका प्रहरी कार्यालय बिर्तामोडले जनाएको छ ।
0 comments:
Post a Comment