इलाम, २९ असारः इलाममा रहेको महेन्द्र रत्न बहुमुखी क्याम्पका बागबानी संकायका विद्यार्थीहरुले एक विज्ञप्ती जारी गर्दै क्याम्पस सँग आवश्यक सामाग्रीहरुको माग गरेका छन् ।
बागबानी संकाय सञ्चलन भई रहेको ठाउँमा खाने पानीको व्यवस्था नभएको, अभ्यास गर्नका लागि फिल्डको व्यवस्था नगरेको , बागबानी संकायको लागि छुट्टै स्टोर नदिएको कर्मचारीको व्यवस्था नगरिदिएको, पुस्तकहरु समयमा उपलव्ध नगराएको ल्यावको उचित व्यवस्थापन नगरेको आदि माग राख्दै नेपाल विद्यार्थी सँगका बागबानी संयोजक भोजराज जोशी र अनेरास्ववियु बागबानी अध्यक्ष ट्रम शाहीले हस्ताक्षर गरेको विज्ञप्ती जारी गरेका हुन ।
उनिहरुले आफ्नो माग क्याम्पसले सोमबार सम्ममा सुनुवाई नगरेमा आन्दोलनका कार्यक्रम अघाडी बढाउने समेत चेतावनी दिएका छन् ।