राजविराज, १९ मङ्सिरः सप्तरीको छिन्नमस्ता गाउँपालिकाबाट विद्युत चोरी गरेको आरोपमा मङ्गलबार आठ जनालाई पक्राउ गरेको छ ।
नेपाल विद्युत प्राधिकरण, जिल्ला प्रहरी कार्यालय, सशस्त्र प्रहरीको संयुक्त अनुगमन टोलीले विद्युतको पोलमा अङ्कुस लगाई विद्युत चोरी गरेको आरोपमा उनीहरुलाई पक्राउ गरिएको विद्युत प्राधिकरण कार्यालयका प्रमुख चन्द्रनारयाण साहले बताउनुभयो । छिन्नमस्ता गाउँपालिका–१ का प्रदीप राय, सैनिक राय, रीतानन्द राय, कमलेश राय, देवनारायण राय, रामधन खंग, वडा नं ५ का प्रल्हाद दास र वडा नं ७ का जामुन रायलाई पक्राउ गरिएको हो । पक्राउ गरिएकालाई विद्युत् ऐनअनुसार जनही रु १५ हजार ५०२ जरिवाना असुल गरी छाडिएको छ ।