इलाम, २६ चैतः प्रतिकुल मौसमका कारण जमुनाको ढाप पोखरी महोत्सव सरेको छ । इलामको सन्दकपुर गाउँपालिका ५ जमुनाको ढाप पोखरीमा आगामी बैशाख ७ गते देखि हुने भएको छ ।
लगभग महोत्सवको तयारी पुरा हुन लागेको समयमा मौसम खराव भएको कारण महोत्सव सार्नु परेको ढापपोखरी संरक्षण समितिका अध्यक्ष विप्लव भट्टराईले वताए । यस अघि २४गते देखि हुने भनिएको महोत्सव तयारी गर्ने समय अभावको कारण २८ गते सरेको थियो ।
पछिल्लो समय पर्यटकीय गन्तब्य बन्दै आएको ढाप पोखरीमा सौचालय निर्माण , खानेपानी बिस्तार जस्ता कार्य गर्न महोत्सव आयोजना गरिएको सावाले बताउनु भयो । ५० हजार पर्यटक भित्रीने अनुमान गरेको आयोजकले २० लाख बढी खर्च हुने जनाएको छ ।
महोत्सवमा स्थानीय तथा जातीय खानाका परिकार , कृषि क्षेत्र संग सम्बन्धीत स्टल राखीने आयोजकले जनाएको छ । महोत्सवमा स्थानीय कलाकारको साथमा दैनिक सांस्कृतिक कार्यक्रम र बिभिन्न जातजातिका झाकी प्रर्दशन हुने छन ।
चन्द्रपाल थेवे ढापा पोखरी संरक्षण समितिका अध्यक्ष तथा महोत्सव आयोजक समितिका सचिव बिप्लव भट्टराईले महोत्सवका बिषेश आर्कषणका रुपमा डुंगा सयर र फिक्सीङ रहने बताउनु भयो । उहाका अनुसार ३ बर्ष अगाडी पोखरीमा लगाईएका माछा यस पटकको महोत्सवमा पर्यटकले आफै झिकेर लैजान र खान सक्ने बातावरण बताउनु भयो ।
ढाप खोखरीमा गत बर्ष देखि नै डुंगा संचालनमा ल्याईएको छ । त्यहाबाट हागेथाम, चोयाटार र जौवारी जस्ता पर्यटकीय क्षेत्रमा सहजै पुग्न सकिन्छ ।
५५ रोपनी क्षेत्रफलमा फैलिएको पोखरीको लम्बाई २ सय १५ मिटर र चौडाई १०० मिटर रहेको छ । ढाप पोखरीमा सडक , होटल होम स्टे आदिको अझै पनि अभाव नै रहेको छ ।