इलाम, १९ जेठः इलामको ठूलो टुँडिखेलमा गत फागुन २६ देखि चैत ५ गतेसम्म सञ्चालन भएको पाँचौ माईभ्याली अन्तराष्ट्रिय आमन्त्रीत गोल्डकपको आय व्ययय सार्वजनिक गरेको छ ।
क्लबले प्रतियोगिता सकिएको तीन महिना भन्दा पछि आयब्यय सार्वजनिक गरेको हो । क्लबले गोल्डकपमा ६४ लाख ८३ हजार ३३३ रुपैंयाँ आम्दानी गरेको र ६८ लाख ८९ हजार ४ सय ७१ रुपैंयाँ खर्च भएको क्लबका कोषाध्यक्ष कमल सुबेदीले पत्रकार सम्मेलनमा जानकारी गराए ।
क्लबले अझैपनि दाताहरुले दिन्छु भनेर भनेको २१ लाख ३२ हजार रुपैंयाँ उठ्न बाँकी छ भने ४ लाख ४३ हजार ७ सय ८९ रुपैंयाँ र्तिन बाँकी छ रहेको पनि पत्रकार सम्मेलनमा सुवेदीले जानकारी गराए ।
सम्पूर्ण रकम उठीसक्दा क्लब १७ लाख २५ हजार ८ सय ६२ रुपैंयाँ नाफामा जाने अध्यक्ष धिरेन चेम्जोङले बताए ।