इलाम, २४ असारः इलाम नगरपालिकाको जिल्ला समन्वय समितिको क्वारेन्टाइनमा रहेका दुईजनाको पिसिआर रिपोट पोजेटिभ आए सँगै इलाममा कोरोना संक्रमितको संख्या १३ पुगेको छ । विराटनगरमा गरिएको परिक्षणमा इलाम नगरपालिका ८ का २५ वर्षिय पुरुष र सन्दकपुर गाउँपालिका ५ जमुनाका ३५ वर्षिय पुरुषमा कोरोना संक्रमण पुष्टी भएको हो ।
सन्दकपुर गाउँपालिका संक्रमित असार १६ गते मलेसियाबाट आएर इलामको क्वारेन्टाइनमा वसेका थिए भने इलाम नगरपालिकाका संक्रमित साउदी अरवबाट १७ गते इलाम आएर क्वारेन्टाइनमा वसेका थिए । दुवै संक्रमितलाई गोठगाउँमा रहेको कोरोना अस्पताल पठाइएको स्वास्थ्य कार्यालयका कोरोना फोकल पर्सन विमल बरालले जानकारी गराए ।
इलामा अहिले सम्म १३ जना संक्रमित फेला परेका छन् भने ५ जना कोरोनाको उपचार पछि घर फर्किएका छन् ।