एजेन्सी, २३ असार । कोरोना भाइरसको बढ्दो जोखिमलाई ध्यानमा राख्दै अस्ट्रेलियाका दुईवटा अधिक जनसंख्या भएको राज्यहरू बीचको व्यस्त सीमा बन्द गर्न सयौं पुलिस अधिकारी र सेनाका जवानहरू तैनाथ गरिने भएको छ ।
न्यू साउथ वेल्स र भिक्टोरिया बीच १०० किलोमिटर लामो सीमालाई मंगलबार राति ११ बजेर ५९ मा बन्द गरिने जनाइएको छ । पछिल्ला १०० बर्षमा यो पहिलो पटक दुई राज्यको सीमा बन्द हुनेछन्। भिक्टोरिया राज्यमा बिहीबार कोरोना संक्रमितको संख्या तीन महिनाको उच्च वृद्धिको रेकर्ड गरिएपछि बन्द गर्नु परेको जनाइएको छ ।
सोमबार, भिक्टोरियामा १ सय २३ नयाँ घटनाहरू दर्ता भएका छन् । यो एकै दिनमा सबैभन्दा बढी वृद्धि भएको हो। न्यू साउथ वेल्सका पुलिस मन्त्री डेभिड इलियटले चेतावनी दिए कि आदेशहरू अनुसरण नगरेको खण्डमा ठूलो जरिवाना र जेल सजाय हुनेछ ।
दुई राज्यलाई जोड्ने ५५ वटा सडक बाहेक अनुमति बिना नदी र जंगलबाट सीमा पार गर्नेहरुलाई ११ हजार अष्ट्रेलियाली डलर करिव ९५ लाख ७२ हजार रूपैयाँ ६ र महिना जेल सजायको व्यवस्था गरिएको जनाइएको छ।
सीमा क्षेत्रमा बस्ने मानिसहरूलाई यात्रा अनुमति दिइनेछ। यद्यपि सीमा बन्द गर्न केही घण्टा मात्र बाँकी छ र अनुमति पत्रको लागि आवेदन प्रणाली तयार गरिएको छैन। न्यू साउथ वेल्सको सिमानामा अवस्थित अल्बरी सहरका मेयर केभिन म्याकका अनुसार प्रत्येक दिन ५० हजार गाडीले सीमा पार गर्छन्।