काठमाडौं, ६ भदौ । कोरोना भाइरस संक्रमणबाट पछिल्लो २४ घण्टामा ६ बर्षीया बालिकासहित ९ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार योसहित नेपालमा कोरोना भाइरस संक्रमणबाट मृत्यु हुनेको संख्या १ सय ४६ पुगेको छ । |
मन्त्रालयका अनुसार वीपी कोइराला स्वास्थ्य विज्ञान प्रतिष्ठान धरानमा उपचारको क्रममा ६ बर्षीया बालिका र ७७ बर्षीय पुरुषको कोरोना संक्रमणबाट मृत्यु भएको छ । यसैगरी पर्सामा ६१ बर्षीय, ५८ बर्षीय र ४८ बर्षीय संक्रमित पुरुषको पनि उपचारको क्रममा मृत्यु भएको छ ।
यस्तै बारामा २८ बर्षीय पुरुष, सिरहामा ६८ बर्षीय पुरुष, मकवानपुरमा ५६ बर्षीय पुरुष र भक्तपुरमा ७३ बर्षीय एक पुरुषको पनि उपचारको क्रममा मृत्यु भएको मन्त्रालयले जनाएको छ । यो मृत्युदर शून्य दशमलव ५ प्रतिशत रहेको पनि मन्त्रालयको भनाइ छ ।
News 24 Nepal बाट साभार गरिएको
0 comments:
Post a Comment