काठमाडौं, २४ साउन । नेपालमा कोरोना भाइरसबाट मृत्यु हुनेको संख्या ७३ पुगेको छ । पर्साका १ जना, मोरङका १ जना र काठमाडौंका १ जनाको मृत्युभएसँगै संख्या ७३ पुगेको हो ।
स्वास्थ्य तथा जनसंख्या मन्त्रालयका अनुसार पर्सा जिल्ला वडा नम्बर ३ छपकैयाका ७४ वर्षीय पुरुषको साउन २३ गते गण्डक अस्पतालमा निधन भएको हो ।
उहाँ मधुमेह र दमका बिरामी हुनुहुन्थ्यो । यता, मोरङ जिल्ला विराटनगर महानगरपालिका वडा नम्बर ९ बस्ने ५८ वर्षीय पुरुषको साउन २३ गते बिहान कोशी अस्पतालमा मृत्यु भएको छ ।
उहाँ उच्च रक्तचाप, निमोनिया र ज्वरो आएपछि सप्तकोशीमा उपचाररत हुनुहुन्थ्यो । अवस्था जटिल भएपछि कोशी अस्पताल रिफर गरिएको थियो । काठमाडौंको टोखा ६ बस्ने ४१ वर्षीया महिलाको साउन २३ गते पाटन अस्पतालमा मृत्यु भएको छ ।
0 comments:
Post a Comment