एकै दिन थप ७ को मृत्यु, नेपालमा कोरोना संक्रमणबाट एक सय ६४ ले ज्यान गुमाए

काठमाडौं, ९ भदौ । नेपालमा कोरोना भाइरसबाट मृत्यु हुनेको संख्या १ सय ६४ पुगेको छ । आज मात्रै थप ७ जनाको मृत्यु भएसँगै संख्या १ सय ६४ पुगेको हो ।

मन्त्रालयका अनुसार काठमाडौंका १ महिला र दुई पुरुष सहित ३ जना, सिरहा, पर्सा, धनुषा र रुपन्देहीका १/१ जनाको मृत्यु भएको हो ।

मृत्यु हुनेमा काठमाडौंकी ७१ वर्षीया महिला, ७४ र ६६ वर्षीय पुरुष, सिरहाका २२ वर्षीय पुरुष, पर्साका ६८ वर्षीय पुरुष, धनुषाका ७६ वर्षीय पुरुष, र रुपन्देहीका ५३ वर्षीय पुरुष छन् ।

रुपन्देहीमा गैडहवा गाउँपालिका– ३ का ५३ वर्षका कोरोना संक्रमित पुरुषको भीम अस्पतालमा उनको मृत्यु भएको हो । एक हप्ताअघि घरको छतबाट लडेर घाइते भएर युनिभर्सल मेडिकल कलेजमा उपचार गराइरहेका उनको ४ दिनअघि परीक्षण गर्दा कोरोना संक्रमण पुष्टि भएको थियो ।

टाउकोमा रगत जमेका कारण शल्यक्रिया गर्नका लागि उनको पीसीआर परीक्षण गरिएको थियो ।

प्रतिकृया दिनुहोस्

About Maipokhari news

माइपोखरी न्यूज डटकम सम्बाददाता