विराटनगर १० असोज । युवाहरुले चिकित्सक शिक्षा सुधारको माग राख्दै आमरण अनशन बसेका डाक्टर गोबिन्द केसीको पक्षमा विराटनगरमा एक घण्टा अनशन बसेका छन् ।
शनिवार विराटनगर स्थित ट्रफिक चोकमा डाक्टर केसीको जीवनरक्षा र उनले उठाएको माग सम्बोधन गर्न माग गर्दै युवाहरुले एक घण्टा अनसन बसेका हुन । जुम्लाबाट अनशन सुरुगरेका डाक्टर केसी भदौ २९ गतेदेखि १९ औं पटक अनशनमा वसेका छन् ।
युथ कांग्रेसको अगुवाइमा सवै क्षेत्रका युुवाहरुले, हामीलाई थाहा छ सरकासंग सुन्ने र वुझ्ने क्षमता छ , डाक्टर गोविन्द केसी म पनि हो, म जनताको सुरक्षाको लागि खटिएको छु जस्ता नारा लेखेका प्लेकार्ड बोकेका थिए भने गोविन्द केसीको मुखुन्डो लगाएर विरोध गरेका थिए ।
युवाहरुले सरकारले डाक्टर केसीलाई अमानविय व्यावहार गरेको र स्वच्छ छवि भएका डाक्टर केसीले चिकित्सक क्षेत्रमा सुधारको माग राख्दै बषौं देखि अनशन बस्दै आएता पनि कुनै सुधार गर्न नसकेको आरोप लगाएका छन् । उनीहरुले केसीको समर्थनमा सवै युवाहरु साथ रहेको भन्दै समर्थन स्वरुप अनसन वसेका थिए ।
0 comments:
Post a Comment