विरोध सभामा झलनाथ खनालले भने- 'केपी शर्मा ओलीले संविधानको बलात्कार गरे'

काठमाडौं, १४ पुष । पूर्वप्रधानमन्त्री एवम् नेकपा प्रचण्ड नेपाल समुहका बरिष्ठ नेता झलनाथ खनालले प्रधानमन्त्ती केपी शर्मा ओलीले संविधानको बलात्कार गरेको बताउनु भएको छ । मंगलबार काठमाडौंमा सरकार विघटनबिरुद्ध आयोजित कार्याक्रमलाई सम्बोधन गर्दै नेता खनालले संविधानको विपरित कदम चालेर संविधानको बलात्कार गरेको आरोप लगाउनुभयो ।
उहाँले आफूहरुलाई हरेक पटक सडकमा आउन रहर नभएको तर केपी शर्मा ओलीले प्रतिक्रान्तिकारी कदम चालेकाले यसका बिरुद्ध सडकमा आएर आन्दोलन गर्न बाध्य बनाएको बताउनु भयो ।नेता खनालले हालसम्मका अनेकौँ क्रान्तिको नेतृत्व नेकपाले गर्दै आएको बताउनु भयो । २०४६ सालको क्रान्ति, २०६२ ÷ ६३ मा शान्तिपूर्ण क्रान्तिलाई सफल बनाउँने पाटी पनि नेकपा भएको बबताउनु भयो । नेपालमा १० बर्ष लगाएर बनाएको संविधानको अगुवाई गर्ने पार्टी पनि नेकपा भएको बताउनु भयो ।
नेता खनालले पछिल्लो निर्वाचनमा दुई तिहाई ल्याउने पार्टी पनि नेकपा नै भएकाले बालुवाटारमा बस्ने गुट एउटा तानाशाही गुट मात्रै भएको दावी गर्नुभयो । केपी ओली समुहको नेकपा जनबिरोधी र पार्टी बिरोधी भएको आरोप लगाउनु भयो । केपी ओली समूहले जनताले दिएको अभिमतमाथि घात गरेको नेता खनालको भनाई थियो ।
३ बर्ष अघिको बिजय नेकपाको बिजयी भएको तर ओलीले आफ्नो बिजय सम्झेको आरोप लगाउनु भयो । जुन भोट केपी ओलीले नभइ नेकपाले अघि बढाएको एजेन्डा, तपस्या र उदेश्यको कारण आएको नेता खनालले भनाइ थियो ।
जनताको त्यो उल्लासपूर्ण भोटलाई प्रधानमन्त्री केपी शर्मा ओलीले दुरुपयोग गरेर संविधान र लोकतन्त्रमाथि हमला गरेको नेता खनालले आरोप लगाउनुभयो । तर अहिलेको जनताले त्यो नसहने सहन नसक्ने भएकाले आजबाट संघर्ष थालेको र संघर्षको ध्वनी बज्न थालेको बताउनुभयो ।


प्रतिकृया दिनुहोस्

About Maipokhari news

माइपोखरी न्यूज डटकम सम्बाददाता

0 comments:

Post a Comment