२३ गते प्रतिनिधिसभाको बैठक बोलाउन सरकारले राष्ट्रपतिसमक्ष गर्यो सिफारिस


काठमाडौं, १४ फागुन । सरकारले फागुन २३ गते प्रतिनिधधिसभाको बैठक बोलाउन राष्ट्रपतिसमक्ष सिफारिस गरेको छ । शुक्रबार बसेको मन्त्रिपरिषदको बैठकको निर्णय अनुसार प्रधानमन्त्री केपी शर्मा ओलीले २३ गते बैठक बस्नेगरी राष्ट्रपति विद्यादेवी भण्डारीसमक्ष सिफारिस गर्नु भएको हो ।

मन्त्रिपरिषदको सिफारिसमा गत पुष ५ गते राष्ट्रपति विद्यादेवी भण्डारीले प्रतिनिधिसभाको विघटन गर्नुभएको थियो । तर उक्त संसद विघटनलाई सर्वोच्च अदालतले फागुन ११ मा बदर गरिदिएको थियो । सर्वोच्चको फैसलामा सरकारलाई १३ दिनभित्र संसद बैठक सुचारु गर्न आदेश समेत दिएको थियो ।

सोही आदेशलाई पालना गर्दै प्रधानमन्त्री ओलीले संसद बैठकको आह्वान गर्दै राष्ट्रपतिसमक्ष सिफारिस गर्नुभएको हो ।

प्रतिकृया दिनुहोस्

About Maipokhari news

माइपोखरी न्यूज डटकम सम्बाददाता