इलाम, १४ वैशाखः जिल्ला प्रहरी कार्यालय इलामले चोरीका मोटरसाईकलहरु खोततलास गरी पक्राउ गर्ने अभियान धमाधम चलाई रहेको छ । इलाम जिल्लाको बिभिन्न ग्रामिण भेगहरुबाट चोरीका मोटरसाईकलहरु प्रहरीले पक्राउ गरेको छ ।
तराईको बिभिन्न जिल्लाबाट चोरी गरी ल्याई इलामको ग्रामिण भेगहरुमा चलाई रहेको अवस्थामा प्रहरीले फेला पारी पक्राउ गरेको हो । यो महिना मात्र प्रहरीले निम्न ७ वटा चोरीका मोटरसाईकलहरु सहित चोरी गर्ने ब्यक्तिलाई प्रहरीले पक्राउ गरेको छ । पक्राउ पर्नेमा जिल्ला गुल्मी मुसिकोट नगरपालिका ४ घर भई हाल जिल्ला झापा दमक नगरपालिका ५ हरीओम कोलिनि टोल बस्ने बर्ष २४ को हसाङ मगर र जिल्ला ताप्लेजुङ त्रिबेणी गाँउपालिका २ घर भई जिल्ला झापा दमक नगरपालिका ५ हरीओम कोलिनि टोल बस्ने बर्ष १९ को आकाश लिम्बु रहेका छन ।
निजहरुलाई बैशाख १२ गते माई नगरपालिका ४ सुखानीबाट प्रहरीले चोरीका मोटरसाईकल सहित पक्राउ गरेको हो । पक्राउ गरेको मानिस तथा ६ वटा मोटरसाईकहरुको बिषय थप अनुसन्धान भई रहेको छ ।
हाल पक्राउ गरीएको मोटरसाईकलहरु धनी फेला नपरेकोले कोही कसैको भए आवश्यक मोटरसाईकलको कागजात सहित जिल्ला प्रहरी कार्यालय इलाममा सम्पर्क राख्न हुन समेत अनुरोध छ । पक्राउ परेका सातवटा मोटरसाइकलहरु निम्न रहेका छन् । मे ९ प ८७८२, मे११प ७३३७, मे११प ३५५२, मे११प ५२२४, , मे३प ८६५४, सवारी नम्बर नखुलेको रातो र कालो कलरको, मे११प५०४२ नम्बरका मोटरसाइकलहरु रहेका छन्
त्यस्तै गरी बिगत ३ महिनामा मात्र प्रहरीले २० वटा चोरीका मोटरसाईकलहरु पक्राउ गरेको थियो । पक्राउ गरीएका २० वटा मोटरसाईकलहरु मध्ये ११ वटा आवश्यक कार्वाहीको लागी जिल्ला प्रहरी कार्यालय झापा पठाईएको छ भने ५ वटा आवश्यक कार्वाहीको लागी भन्सार कार्यालय पशुपतिनगर इलाम बुझाईएको छ त्यस्तै गरी २ वटा मोटरसाईकल सम्बन्धित धनीलाई जिम्मा दिईएको छ भने २ वटा जिल्ला प्रहरी कार्यालय इलाम राखी अनुसन्धान भई रहेको छ ।
0 comments:
Post a Comment