काठमाडौँ । प्रमुख प्रतिपक्षी दल नेकपा एमालेको विरोधका बीच सुरु भएको प्रतिनिधिसभा बैठक स्थगित भएको छ । माधव नेपाल लगायत १४ सांसदलाई पदमुक्त गर्न माग गर्दै नेकपा एमालेले प्रतिनिधि सभा बैठक अवरुद्ध गरेको हो ।
सभामुखले बैठक सुरु भएको जनाउ दिनेबित्तिकै एमालेका सांसदहरुले बेल घेराउ गरेर नाराबाजी सुरु गरेका थिए ।
सभामुख अग्नि प्रसाद सापकोटाले पटकपटक नारावाजी नगर्न र संसद बैठकलाई सहज तरिकाले चलाउन भुमिका खेल्न आग्रह गरेपनि एमाले सांसदले अटेर गरेर नारावाजी गरेपछि सभामुख सापकोटाले बैठकको कार्यसूची अनुसार राष्ट्रपतिको कार्यालयबाट आएको अध्यादेश खारेजी र विधेयकहरुप्रमाणिकरण सम्बन्धि पत्रहरु पढेर सुनाए ।
एमालेको नाराबाजीकै बीचमा प्रधानमन्त्रीका तर्फबाट कानूनमन्त्री ज्ञानेन्द्रबहादुर कार्कीले महालेखा परीक्षकको प्रतिवेदन पेश गरे ।
सो प्रतिवेदन पेशपछि सभामुख सापकोटाले आगामी मंगलबारसम्मका लागि बैठक स्थगित गरे । यससँगै बैठक १९ गते मंगलवार दिनको १ बजेसम्मका लागि स्थगित भएको छ ।
0 comments:
Post a Comment