दाङ । आइतबार दाङमा जिप दुर्घटना हुँदा ३ जनाको मृत्यु भएको छ । जिप दुर्घटनामा दुई जना महिला र एक जना पुरुषको मृत्यु भएको ट्राफिक प्रहरी कार्यालय तुलसीपुरले जनाएको हो।
प्रहरीका अनुसार तुलसीपुरबाट सल्यानको कपुरकोट जाँदै गरेको रा १ ज ४३८ नम्बरको जीप राप्ती राजमार्गअन्तर्गत तुलसीपुर–कपुरकोट सडक खण्डको तुलसीपुर उपमहानगरपालिका–३ सिरखोलामा भएको थियो । दुर्घटना भएको हो।
मृत्यु हुनेहरुमा कपुरकोट गाउँपालिका–३ का प्रेम प्रकाश शर्मा, लालमति खडका र कपुरकोट गाउँपालिका–४ का साउनी घर्ती रहेको प्रहरीले जनाएको छ ।
१२ सिटको जिपमा १८ जना सवार रहेको बताइएको छ । दुर्घटनामा परी १४ जना घाइते भएका छन् भने घाइतेमध्ये सात जनाको अवस्था गम्भीर रहेकोले उनीहरुलाई उपचारका लागि नेपालगञ्ज पठाइएको बताइएको छ ।
बाँकी घाइते सात जनाको राप्ती प्रादेशिक अस्पताल तुलसीपुरमा उपचार भइरहेको पनि जनाइएको छ।
0 comments:
Post a Comment