इलाम, २३ पुषः फुटबलको विकास र खेलाडी उत्पादनको लागि जारी इलाममा एन्फा इलाम जिल्ला ए डिसभजन लिगमा शुक्रबार तीन खेल सम्पन्न भएका छन् । लीगमा तीन खेल खेलेको क्लव ओएशिस ९ अंक सहित शिर्ष स्थानमा रहेको छ ।
इलामको ठूलो टुडिखेलमा भएको वी पोलकका तीन खेलहरु भएका हुन । पहिलो खेलमा त्रिवेणी युथ क्लव देउमाईले हेलो जस्वीरेलाई ५–० ले पराजित गरेको छ ।
दोस्रो खेलमा माइभ्याली फुटबल कल्वले हेलिवोध फुटबल क्लवलाई १–० ले पराजित गरेको छ तेस्रो खेलमा क्लव ओएशिसले आफ्नो अपराजित यात्रालाई कायम राख्दै देउराली स्पोटीङ क्लवलाई १–०ले पराजित गर्दै लिगको शिर्ष स्थानमा रहेको छ ।
जिल्लाका १३ वटा क्लबको सहभागिता रहेको लिगमा ए पोलमा ६ वटा टीम र वी पोलमा ७ वटा टीम सहभागी रहेका छन् ।
लिगको विजेताले प्रदेश लिग खेलने छ भने लिगको अन्तिम दुई स्थानमा रहेका टिमहरु रेलिगेशन भएर बी डिभिजनमा झर्नेछन् ।
0 comments:
Post a Comment