झापामा दिनहुँ पक्राउ पर्ने क्रममा बुधवार पनि दुई युवा लागूऔषध ब्राउन सुगरसहित पक्राउ परेका छन् । पक्राउ पर्नेहरूमा एक जना इलाम फाकफोकथुमका र अर्का झापा शिवसताक्षीका रहेका छन् । बुधवार साँझ ५ः३० बजे पुरानो मेची पुलमा भारतबाट सिटी सफारीमा नेपालतर्फ आउँदै गरेका इलाम फाकफोकथुम गाउँपालिका-१ बस्ने २७ वर्षीय विशाल मगर लागू औषधसहित पक्राउ परेका छन् । शङ्का लागेर चेकजाँच गर्दा उनको साथबाट प्लास्टिकसहित २ ग्राम ४३० मिलिग्राम ब्राउन सुगर फेला परेको थियो ।
त्यस्तै बुधवार दिउँसो ४ः३० बजे सिटी सफारीमा भारतबाट नेपालतर्फ आउँदै गरेका झापा शिवसताक्षी नगरपालिका-११ दुधे बस्ने २२ वर्षीय रोशन दंगाल प्लास्टिकबाहेक ४ ग्राम ५३० मिलिग्राम ब्राउन सुगरसहित पक्राउ परेका छन् । दुवैलाई नियन्त्रणमा लिई इलाका प्रहरी कार्यालय काँकडभिट्टामा राखिएको छ ।
0 comments:
Post a Comment