इलाम, भदौ १४ ।
 |
| सांकेतिक तस्विर |
इलामको चुलाचुली गाउँपालिका–२ अमरचौकमा ग्यास पड्किएर आगलागी भएको छ । शनिबार विहान करिब ८ः५५ बजे मिलन राईको टिनको छानो र टिनको बेरा भएको एकतले भान्सा घरमा अचानक ग्यास पड्किँदा आगलागी भएको जिल्ला प्रहरी कार्यालय इलामले जनाएको छ ।
आगलागीबाट भान्सा घरसहित घरभित्र रहेका भाँडाकुँडा, अन्नपात पूर्णरुपमा जलेर नष्ट भएका छन् । क्षतिको विवरण भने हालसम्म प्राप्त हुन सकेको छैन ।
प्रहरी चौकी पेल्टिमारी, चुलाचुलीस्थित सशस्त्र प्रहरी बेस क्याम्प र स्थानीयवासीको सहयोगमा आगो करिब ९ः२० बजे नियन्त्रणमा आएको प्रहरीले जनाएको छ ।
0 comments:
Post a Comment