२०८२ असोज १२, आइतबार — दमक (झापा)।
झापाको दमकस्थित ब्रोडवे क्याफेमा गएराति लफडा हुँदा एक युवक घाइते भएका छन्।
दमक–५ का ३१ वर्षीय सुवास तामाङलाई करिब १५/१६ जनाको समूहले लाठी, रड र बियरको बोतल प्रहार गरी आक्रमण गरेको प्रहरीले जनाएको छ।
आक्रमणमा दमक–८ का सुमन शाही (३४/३५ वर्ष), त्यही स्थानका ‘कोब्रा’ नामले चिनिने मुर्सिदका छोरा (३३/३४ वर्ष), गौरादहका ‘मन्त्री’ भनेर चिनिने एक युवक (३०/३२ वर्ष) लगायतको संलग्नता देखिएको छ।
घाइते तामाङलाई तत्कालै निम्स अस्पताल दमकमा भर्ना गरिएको छ। अस्पतालले उनको अवस्था मध्यम रहेको र बोल्न सक्ने अवस्थामा रहेको जनाएको छ।
आज बिहान अस्पतालबाट खबर आएपछि इलाका प्रहरी कार्यालय दमकले घटनास्थलमा टोली खटाएको छ। संलग्नहरू फरार रहेको र उनीहरूको खोजतलास भइरहेको प्रहरीले जनाएको छ।
0 comments:
Post a Comment