इलाम, १९ कातिक – फुटबल बितरण गरेर फर्किदै गरेका खेल प्रशिक्षकको मृत्यु भएपछि प्रहरीले जिल्ला खेलकुद विकास समिति इलामका अध्यक्ष जितबहादुर राई सहित चार जनालाई पक्राउ गरेको छ । इलाम नगरपालिका २ का कराँते खेल प्रशिक्षक राजकुमार मुखियाको मृत्यु भएपछि जिल्ला खेलकुद विकास समिति इलामका अध्यक्ष जितबहादुर राई, प्राविधिक सहायक अतित योङहाङ, कार्यालय सचिव अमृता घिमिरे, आदिवासी जनजाती महासंघका सोनाम सेर्पा, मावु ८ सन्दकपुरका सवारी चालक पासङ रेञ्जी सेर्पालाई अनुसन्धानका लागि पक्राउ गरेको जिल्ला प्रहरी कार्यालय इलामले जानकारी दिएको छ ।
कराँते प्रशिक्षक करिब ४० बर्षका मुखियाको माइपोखरीको जसविरेमा भइरहेको फुटबल प्रतियोगितामा फुटबल हस्तान्तरण गरेर फर्कने क्रममा माईपोखरी र देउरालीमा रक्सी सेवन गरेपछि उनी विरामी परेको कुरा बाहिर आएको छ । विरामी मुखियालाई सगै रहेका राई सहितको टोलीले परिवारलाई जिम्मा लगाएपछि उनलाई इलाम अस्पताल पु¥याइएको थियो । मुखियालाई इलाम अस्पतालले अस्पताल पु¥याउन साथ मृत घोषित गरेपछि सगै रहेका उनीहरुलाई पक्राउ गरेको प्रहरी निरीक्षक अनिल राज गिरीले बताए । पक्राउ परेका अध्यक्ष राईसहित चारजनालाई अहिले हिरासतमा राखेर अनुसन्धान थालिएको प्रहरीले जनाएको छ ।
0 comments:
Post a Comment