भीमकुमार बाँस्कोटा
पाँचथर,२८ पुषः पाँचथर सदरमुकाम फिदिममा जारी सातौँ फाल्गुनन्द गोल्डकप नकआउट फुटबल प्रतियोगिताको पहिलो चरणको तेस्रो खेलबाट एपिएफ पूवाञ्चल बाहिरिएको छ । चौँथो र पाचौँ फाल्गुनन्द गोल्ड कप प्रतियोगिताको उपाधी कब्जा गरेको एपीएफसँग भिडेको चर्च व्वाईज क्लब काठमाण्डौले ३–० ले हराएको हो ।
उपाधिको दावेदार ठानिएको एपिएफलाई खेल अवधिभर नै काठमाण्डौको दबावमा राखेको थियो । प्रतियोगिताको पहिलो हाफको १५ मिनेटमै काठमाण्डौका यलसङ लामाले गोलको खाता खोले । सुरुवाती चरणदेखिनै काडमाण्डौको दवावमा रहेको एपीएफले दोस्रो हाफमा पनि गोल गर्न सकेन । दोस्रो हाफको आठ मिनेमा काठमाण्डौका निशान लिम्बू र ३५ मिनेटमा एक एक गोल गर्दै टिमलाई सेमी फाइनलको यात्रा पक्का गराएका हुन् ।
प्रतियोगितामा एपीएफका पाँच जना खेलाडीले पहेँलो कार्ड पाएका थिए । राष्ट्रिय स्तरका खेलाडीका सामु एपीएफका खेलाडीहरुले कमजोर प्रदर्शन गरेपछि एपीएफ पहिलो चरणको खेलबाटै बाहिरिएको हो । आज भएको प्रतियोगितामा काठमाण्डौका यलसङ लामा म्यान अफ दी म्याच घोषित भए ।
सेमी फाइनल खेलका लागि आयोजक फिदिम स्पोटिङ क्लब, चर्च व्वाईज काठमाण्डौ, कर्णसिंह सोनामा स्मृति क्लब ताप्लेजुङ र काम्ब्राङ फुटबल क्लब सिक्किम पुगेका छन् । भोली हुने सेमी फाइनलको पहिलो खेलमा सिक्किम र ताप्लेजुङ भिड्दैछन् ।
0 comments:
Post a Comment