कडा प्रतिष्पर्धात्मक खेलमा माईभ्यालीका जर्सी नम्बर ६ का राजकुमार कन्दङ्गबाले ६५ औं मिनेटमा गोल गरेका थिए । कन्दङ्गबाको सोही गोल खेलमा निर्णायक बन्यो । खेलमा म्यान अफ द म्याच माईभ्यालीका राजकुमार कन्दङ्गबा घोषित भए ।
अब आईतबार हुने फाइनलमा माईभ्यालीले उपाधिका लागि आयोजक कटारी ११ सँग प्रतिष्पर्धा गर्नेछ । आयोजकले विहिबार सशस्त्र प्रहरी बलको विभागिय टिम एपिएफलाई २ का विरुद्ध ३ गोलले पराजित गर्दै फाईनलमा आप्mनो स्थान सुरक्षित गरिसकेको छ ।
प्रतियोगिताको विजेताले नगद १ लाख २५ हजार र उपविजेताले ७५ हजारका साथमा ट्रफी हात पार्ने मूल आयोजक समितिले जनाएको छ । फागुन ३० देखि जारी प्रतियोगितामा ८ टिम सहभागी थिए । साथी समूह कटारी र कटारी नगरपालिकाको संयोजनमा कटारीमा कटारी गोल्डकपको दोस्रो संस्करण आयोजना गरिएको मूल आयोजक समितिका अध्यक्ष बिनोद कटुवाल दिवशले जानकारी दिए ।
0 comments:
Post a Comment