- मनिषा चम्लागाईँ
बिर्तामोड २ मंसिरः साथी सँग मनका कुरा गु्रपले आफ्नो प्रथम वार्षिक उत्सवको अबसरमा शनिबार रत्तदान कार्यक्रम सम्पन्न गरेको छ । शनिबार झापाको सैनिकमोडमा उक्त कार्यक्रम सम्पन्न गरेको हो ।
गु्रपले रक्तदान गरौँ कारणका लागि, त्यो होस् जीवन बचाउनका लागि भन्ने नाराका साथ रक्तदान कार्यक्रम आयोजना गरेको हो । कार्यक्रममा ३१ जनाले रक्तदान गरेका थिए । कार्यक्रमको स्वागत गर्दै गु्रपका अध्यक्ष आकाश उप्रेतिले समाज रुपान्तरणको लागी युवाको दायित्व केही हद सम्म भए पनि पुरा गर्ने उद्धेश्यका साथ कार्यक्रमको आयोजना गरेको बताए । रक्तदान कार्यक्रको प्राविधिक सहयोग नेपाल रेडक्रस सोसाइटी बिर्तामोड उपशाखाले गरेको थियो ।
कार्यक्रमबाट संकलित ब्लड रेडक्रस उपशाखा बिर्तामोडको ब्लड बैंकमा जम्मा गरिएको छ ।
गु्रपका अध्यक्ष उप्रेतिको अध्यक्षतामा सम्पन्न कार्यक्रमको प्रमु्ख आतिथ्य बिर्तामोड वडा नम्बर ३ का वडा अध्यक्ष भोजराज सिटौलाले गरेका थिए ।
कार्यक्रममा रोट्याक क्लव विर्तामोडका अध्यक्ष बसन्त बुढाथोकी, नेप्लिज टिमका मनिष बस्नेत, दारी ग्याङ्, अजुर्नधारा युथ क्लवका उत्सव ढकल, सिएनवाइका दिपक घिमीरे, बिराट ज्योतीका प्रअ तारा प्रसाई लगायतको आतिथ्य रहेको थियो ।
कार्यक्रमको संयोजन किरण प्रसाईले गरेका थिए भने सञ्चालन सुनिता बुढाथोकीले गरेकी थिइन् ।
युवाहरुको जमात रहेको साथी सँग मनका कुरा गु्रप पछिल्लो समयमा सामाजिक कार्यमा अग्रसर रहेको पाइन्छ ।