इलाम, इलामको मेची राजमार्ग खण्डको सिम्ले भिरमा गाडी दुर्घटना भएको छ । इलाम नगरपालिका ४ सिम्लेमा झापबाट ताप्लेजुङ जाँदै गरेको बा १ झ ९८९८ नं.को सडक विभाग ताप्लेजुङको निसान जिप ब्रेक फेलभई दुर्घटनामा परेको हो ।
दुर्घटनामा परि ५ जना घाईते भएका छन् भने २ जनाको अवस्था गम्भिर रहेको छ । घाइते हुनेमा तप्लेजुङ फुङलिङ ५ बस्ने बर्ष ७४ धनमाया लिम्बु र तेह्रथुमकी जानुका योङहाङको अवस्था गम्भिर रहेको छ भने अन्य ३ जना नुवाकोट ककनी ५ वस्ने वर्ष १८ को जंग तामाङ, सोही ठाउँ वस्ने सवारीचाल रितिक लामा र ताप्लेजुङ लेलेप । २ बस्ने बर्ष ४५ का पेम्बा शेर्पा घाइते रहेका छन् । घाईतेहरुका इलाम अस्पतालमा उपचार पछि थप उपचारको लागि विर्तामोडको बी एण्ड सी अस्पताल पठाईएको जिल्ला प्रहरी कार्यालय इलामले जनाएको छ ।