फिक्कल, १४ जेठः माई नगरपालिकालाई हराउँदै डिफेन्डिङ च्याम्पियन मेचीनगर नगरपालिका करफोकमा जारी दोश्रो सूर्योदय मेयरकपको सेमीफाइनल प्रवेश गरेकोछ ।
मेचीनगरले माईलाई ३–० गोल अन्तरले हराएको हो । ए डिभिजनका खेलाडीले भरिएको मेचीनगर सामु माई नगरपालिका निरिह बनेको थियो । पहिलो हाफमा मेचीनगरले ३–० गोल अन्तरको अग्रता बनाएको थियो ।
मेचीनगरका दिवस उराउले खेलको ५ औ मिनेट, निशान लिम्बुले १८ औ मिनेट र खमिर गिल्सन कन्दङवाले खेलको २५ औ मिनेटमा गोल गरेका थिए । दोश्रो हाफमा माईले सम्हालिएको प्रर्दशन गरेपछि मेचीनगरले थप गोल गर्न सकेन । प्रतियोगिताको पहिलो सेमीफाइनलमा भोली देउमाई नगरपालिका र शिवसतासी नगरपालिका सामना गर्नेछन ।