इलाम, १२ जेठः इलाममा शाखा कार्यालय रहेको सनराईज बैंकले आफ्ना वचतकर्तालाई स्वास्थ्य विमा सुविधा अन्र्तगत स्वास्थ्य उपचार दावी रकम तीन जना वचतकर्तालाई हस्तान्तरण गरेको छ । पुष्प नारायण श्रेष्ठलाई चार हजार सातसय पचास, आदित्य दाहाललाई १४ हजार ४ सय वाईस र निर्जला श्रेष्ठलाई २५ हजार अठहत्तर रुपयाँ सनराईज बैंक इलामका शाखा प्रवन्धक ज्ञानश्याम गुरुङले हस्तान्तरण गरेका थिए ।
स्वास्थ्य विमा कार्यक्रम अन्र्तगत १ लाख सम्मको स्वास्थ्य विमा सुविधा साथै ५ लाख सम्मको दुर्घटना विमा सन्राईज बैंकले प्रदान गर्दै आएको छ । बैंकले आफ्ना वचतकर्ताहरुलाई स्वास्थ्य जस्तो अति सम्वेदनशिल कुरामा विमा गराएर ग्राहकहरुको आपतकालिन स्वास्थ्य उपचारमा सहयोग पुर्याउने उद्देश्यले यो विमा सुविधा प्रदान गरेको हो ।